注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

kathy38 的博客

 
 
 

日志

 
 
 
 

如果生活太美滿: 就去佐敦澳牛受虐吧!  

2015-12-25 12:17:38|  分类: 生活 |  标签: |举报 |字号 订阅

  下载LOFTER 我的照片书  |
如果生活太美滿: 就去佐敦澳牛受虐吧!


港式茶餐廳備受文化份子感性越溢的褒美,令人莫名其妙。

  不錯,港式茶餐廳的火腿三文治、牛肉通粉、香濃咖啡,還有雞尾包,頗有風味,但除了食品,茶餐廳令人覺得不快的地方更多更多。

  廁所過份狹窄,洗手盆永遠只一個頭顱之圓形大小,男廁的小便瓷槽和抽水馬桶窄小而髒。往廁所的甬道堆擺雜物,經過廚房,看得見洗碗女工像奴隸般的揮汗戰鬥,慘過古羅馬戰船艙底戴着腳鐐的划船伙夫,景況淒慘,殊不人道。
港式茶餐廳,本來不成為「文化」,因為根本不是「文化」。三十年來,一股業力,劣幣驅逐良幣,沉碴泛起,浮萍消蹤,吵亂的茶餐廳遂成為缺乏審美觀的「文化人」頂拜對象。今日的茶餐廳,請新移民阿嬸和中坑喧嘩侍客,又因租金貴而更髒狹,桌椅越來越小,對於有被虐狂的左翼「知識份子」有吸引力,對了,你還有文明的底線,告訴他們:我不懷舊,旺角的茶餐廳,唔好預我。

去食澳牛,首先要喺門口集齊人腳。你五個人去幫襯,一定要肯定你五個人都喺度,先好行入去。萬一你入到去,同伙計講你未齊人但又想坐低,擔保你屎忽開花,然後畀人趕返出門口。

你想一個人坐張四人枱?發你媽的春秋大夢。小朋友,你玩過俄羅斯方塊未?澳牛啲伙計當每個客都係方塊,一定左塞右塞,務求令到每張枱都坐滿人。你又唔可以唔讚賞佢哋塞方塊嘅能力,佢哋從來唔會要個客坐低咗再調嚟調去。

嗰度啲伙記好賣力,全部好有效率。估計佢哋應該有花紅分,兼且分唔少。印象中見過幾個伙計戴勞力士,加上佢哋嗰副「客又點?阿叔唔撚使畀面你」嘅面口,令我深信佢哋每人都有幾楝樓收租,返工只係為咗打發時間,以免自己行咗去麻雀館。

好咧,你畀人指手劃腳一輪,終於可以坐低。

叫得光速餐,由安排坐位開始,真係乜都好快。由你屎忽掂到張櫈嘅五秒內,唔該你好一口氣講出光速餐嘅菜式:炒蛋/煎蛋/蛋治、多士/麵包、意粉/通粉。澳牛天地內,絕不容許思考與發問。我見過有個天真無邪嘅靚妹,一臉無知問咗伙記一句「呢度有乜嘢食?」,坐對面嘅我忍唔住冷笑咗一聲。個伙計二話不說就走開咗,頭也不回。順帶一提,有次喺九記牛腩有人唔識死,對住老闆娘點「魚蛋麵」-仲要叫咗兩次-個老闆娘大叫無呢啲嘢食,之後無再幫佢哋落單。

你行出澳牛,呼吸一口自由的空氣,望一望錶。吃過四個course(炒蛋、多士、意粉、咖啡),前後不過十分鐘。在這600秒,你飽歷風霜,老母被人屌過、菊花畀人撕開過,炒蛋食到一半要飲嘢,最後一啖多士吞落肚之前好準備埋單走人,以免有人對你冷言冷語。如果生活太美滿: 就去佐敦澳牛受虐吧! - 公謹 - kathy38 的博客

 
如果生活太美滿: 就去佐敦澳牛受虐吧! - 公謹 - kathy38 的博客
 
如果生活太美滿: 就去佐敦澳牛受虐吧! - 公謹 - kathy38 的博客
 
如果生活太美滿: 就去佐敦澳牛受虐吧! - 公謹 - kathy38 的博客
 
如果生活太美滿: 就去佐敦澳牛受虐吧! - 公謹 - kathy38 的博客
 
如果生活太美滿: 就去佐敦澳牛受虐吧! - 公謹 - kathy38 的博客
 
如果生活太美滿: 就去佐敦澳牛受虐吧! - 公謹 - kathy38 的博客
 
如果生活太美滿: 就去佐敦澳牛受虐吧! - 公謹 - kathy38 的博客
 
如果生活太美滿: 就去佐敦澳牛受虐吧! - 公謹 - kathy38 的博客
 
如果生活太美滿: 就去佐敦澳牛受虐吧! - 公謹 - kathy38 的博客
 
  评论这张
 
阅读(39)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017